萊BLOG萊

2008年1月21日
MR. STEAK - 銅鑼灣恆隆中心
每人平均$280

與朋友提早團年，今次由我發辦，早兩日睇報紙見依個"和牛海鮮自助餐"都幾吸引，平日五人更有一人免費。
主角澳洲和牛OK，鵝肝一般，蟹腳(松葉？)超正，刺身麻麻，壽司可以，其他熱葷冷盤正正常常，甜品就幾合心水，同檯友人都大致滿意。

2008年1月19日
旬菜富 - 尖沙咀棉登徑
四人共$605

又係睇左"唷思歌妹blog"介紹，今朝打完波飛的去試。
餐廳座位唔算多，亦只得兩、三檯客，我一心想食蠔釜飯，但要等30分鐘，曾想放棄因已幾肚餓，不過原來有碗烏冬頂下肚，所以都係決定等~
整體食物水準可以，最欣賞係侍應姐姐既待客服務，劉華黎到肯定讚不絕口~

大阪市地標之一的通天閣位於浪速區，此區曾是繁華地方，時移世易下已變成懷舊老街。
第一代通天閣建於1912年，顧名思義是直通天空的高樓，於太平洋戰爭中燒燬。現存的通天閣是第二代，竣工於1956年，設計者內藤同期作品還有東京鐵塔及名古屋電視塔等。

たこ焼き即燒章魚/八爪魚丸，是日本最為人熟悉的小食，以大阪的章魚燒最為出名。
先以小麥粉，雞蛋和水混為粉醬，注入特製的半球式鐵板上燒，並放進主角章魚觸鬚、紅薑，蔥及炸粉等，以工具翻動成丸子狀。吃時塗上醬汁和蛋黃醬，再灑上木魚絲及紫菜。

2007年12月22日
冬至在家中
三人共約$1,000

星期一提早做節出左街打邊爐，點知早兩日十年唔逢一潤公司發花紅，決定晌冬至正日梅開二度，豪一豪佢！
繼晏晝食壽司後，來多個日式SHABU SHABU，止止日遊癮~

2007年12月22日
千里之月 - 銅鑼灣渣甸中心
兩人共$363

依間千里之月早幾個月已見介紹，不過價位偏高所以無好大欲望去試。幾日前公司咁多年來第一次出花紅，一於就趁放假去馬啦。
自選壽司set有三種價錢(10件$180 / 12件$220 / 16件$260)+10%，我揀左12件既；
萊嫂點左天婦羅set配蕎麥麵($110+10%)，除左麵仲有鰻魚飯、牛肉烏冬，滑蛋豬排飯同唔記得係咪雞揀。

2007年12月20日
港麗酒店 - 金鐘太古廣場

公司年度聖誕自助晚餐，因今年遲左book以至選擇唔多，最後拍板未試過既港麗酒店。
食物款式唔算多，好在大部份味道幾好，甜品亦頗合心水。(以下相片部份借用隔離位~)

2007年12月15日
明洞EXPRESS - 尖沙咀天文台道
兩人共$105

起身想食韓國野，去到尖咀發覺南山谷執左，就去試下依間快餐形式既韓國料理。
應該係老闆既係韓國阿朱媽，亦有唔少韓國食客，感覺幾地道。揀左兩個餐加杯凍柚子蜜，不錯吃耶。

2007年12月1日
岩浪 - 銅鑼灣恆和鑽石大廈
每人平均$126

睇左"唷思歌妹blog"介紹依間新店，趁放假立即試試。
揀左自選天婦羅set (10件)及自選壽司set(8件+1卷物)，天婦羅略遜天YOSHI；壽司水準亦不及今村考勢，不個以依個價錢黎講絕對收貨。