2012年7月6日
味一番- 尖沙嘴山林道
兩人共$697

今年的慶生飯揀左依間食個好幾次既日本料理店,一來d野0岩口味又唔算費,二來無咩idea試新野。
黎到見有新menu,菜式與之前差唔多,記得既係無左拉麵,而價錢就比之前貴20-30%。
先黎叫支清酒飲,然後要左d壽司,再加d燒物,最後整個冷蒿麥麵飽肚。
食物方面熟食保持水準,但壽司就好似差過以前少少,最大問題係加左價,即係由以前既唔算貴,到而家既有d貴。

royyahooblog 發表在 痞客邦 PIXNET 留言(0) 人氣()

2011年9月1日
Bonheur - 上環文咸東街
兩人共$1,063

與萊嫂提前一天吃慶生飯,之前上開飯dotcom見呢間法國菜(餐廳)排名僅次於Caprice,就訂檯試下。
我地6:30去到係最早一檯客,有位侍應好詳細介紹dinner menu同是日special,dinner有分三度菜($418+10%)同四度菜($448+10%),最後揀左每款各一、另加一樽水同一杯house wine(智利紅酒)。
先送上既係芝士洋蔥包同一款齋包,兩款都幾好味;前菜都係要煎鵝肝,鵝肝表面略嫌過硬同配上既蘋果過甜;餐湯有蝦濃湯及黑松露磨菇湯,我揀左前者味道不俗;主菜萊嫂既焗芝士龍蝦好有水準,而我既安格斯牛扒就稍欠肉味;甜品心太軟可以話係食過中最出色既,但芒果拿破崙酥餅所用既生果懷疑全部都浸過糖水,失去生果本身既甜或酸味,依方面我地都唔太欣賞。
整體間餐廳服務唔錯亦幾有氣氛,食物味道有滿意有唔滿意。

royyahooblog 發表在 痞客邦 PIXNET 留言(0) 人氣()

2011年7月3-4日


6月見澳門銀河(GALAXY MACAU)新開張做推廣優惠,就上網訂位,係首次撇低大小朗而自己兩公婆去玩,原先想book大倉酒店(Hotel Okura),但最後都係揀左最平既銀河酒店(Galaxy Hotel)套票MOP1,788+15%(一晚雙人房、酒店早餐及雙人上環氹仔來回船票),之後再去信德中心出定船票。

搭8點半船出發,約70分鐘去到氹仔碼頭,因同時間得一班船所以好快就搞掂入境,之後搭接駁巴士去酒店睇下有無得提早check in。套票只得twin room就問職員有無得轉double room,佢話暫時只得一層樓有double room,但對上個層正在進行工程,我地話無所謂不過都係要2點後先安排到房間,惟有先寄存個旅行袋然後睇下搭乜車走。原來銀河酒店穿梭巴士有好多條線,包括兩個碼頭、機場、關閘、新馬路、舊城區、威尼斯人、星際酒店及新濠天地等,咁我地就搭去港澳碼頭再轉葡京巴士去新葡京,玩左陣就行番去葡京Robuchon a Galera食米芝蓮三星午餐(
詳見這裡)。

食完餐大失所望既法國菜,穿過隧道經過永利行到去星際搭穿梭巴士返銀河酒店取房,間房既裝潢都幾靚,景觀係街景(另一面房間係泳池景),最特別係浴室同卧室之間係塊透明玻璃,雖然有張膠簾可拉落黎,但奇怪既係試過拉盡都遮唔曬,最後仲整爛左個扣,另外係有wifi供應同埋冰箱入面既啤酒汽水唔駛錢。因今朝好早起身原想小睡片刻,但敵不過樓上既電鑽等裝修噪音,就決定落去行下同去賭場玩。


royyahooblog 發表在 痞客邦 PIXNET 留言(4) 人氣()

2011年7月3日
晏晝餐米芝蓮三星法國菜一個月前已決定左,但依日既晚餐
就遲遲未有心水,我地住銀河所以諗住近近地晌返氹仔食,出發前揀左兩間食翅既,分別係譚家魚翅同埋禮記雞鮑翅。
銀河酒店有免費巴士出官也街,去到見禮記雞鮑翅唔駛等位就行入去。埋單$537無加一整體都ok既,只係我覺得除左個蠔油鮑魚汁係夠味,其他食物既味道都偏淡。

禮記雞鮑翅



royyahooblog 發表在 痞客邦 PIXNET 留言(3) 人氣()

2011年7月3日
諗住7月頭去澳門住新酒店,就一個月前打長途電話去唯一既澳門米芝蓮三星食府 -
Robuchon a Galera法國餐廳訂檯,依間星級法國菜於2008年第一次食時相當滿意令人難忘(詳見這裡),所以今次係滿有期待。

到澳門後我地先去新葡京玩左陣,有少少收穫下行去隔離葡京酒店再搭升降機上西座3樓開餐。




royyahooblog 發表在 痞客邦 PIXNET 留言(1) 人氣()

2011年6月9日
鹿鳴春 - 尖沙咀麼地道
每人平均$290


鹿鳴春 / 鹿鳴春2 / 鹿鳴春3


royyahooblog 發表在 痞客邦 PIXNET 留言(0) 人氣()

2010年9月2日
La Maison - 灣仔汕頭街
兩人共$768


萊嫂慶生想食法國菜,上開飯dotcom見到依間新開有八個笑又幾抵食既上樓法國餐廳,就打電話訂檯。
由灣仔港鐵站行去五分鐘到,餐廳裝潢幾好氣氛,係檯與檯位置逼左少少,店員都幾親切,介紹菜式亦好詳細。menu上頭盤有十款、湯三款、主菜七款、伴碟三款及甜品九款,唔加一每人有最低消費$340。
首先黎既係麵包,配以牛油、鵝肝醬及香草魚醬,我認為配後者最好味;然後係杯加州紅酒,份量只得小半杯;前菜係焗田螺同煎鵝肝,兩款都好食由其係煎鵝肝面層有d燒焦0岩晒我口味;我地都揀左蟹湯,味道同龍蝦湯差唔多不過覺得d湯"鞋鞋"地;飲完湯有免費雪葩清清味蕾,今晚係紅莓味,但質感似碎冰;
主菜係安格斯肉眼扒配松露黑橄欖汁,及好期待既法式油鴨腿配青蘋果沙拉(因香港好少地方有得食油鴨腿),牛扒要七成熟但外層乾左d同熟左少少,可能五成熟會好d,鴨腿外香內稔不錯吃;伴碟焗薯普普通通;

royyahooblog 發表在 痞客邦 PIXNET 留言(4) 人氣()

2010年5月29日
容記小菜王 - 深水埗福華街
每人平均$90


友人們台遊返黎派手信,揀左依間好人氣,一間鋪變三間鋪既容記小菜王飯聚。
我地先黎支特價啤酒同燒腩,再慢慢睇下有乜好食,最後叫左五食送一湯。當中只有碟雞係得既,再加個生炒骨叫ok,其餘既都係強差人意,老實講幾失望。
見大家都意猶未盡,原本想轉戰"賣豬仔",但就俾場攔路雨淋熄左,齊齊被迫提早歸家,實在無癮。


royyahooblog 發表在 痞客邦 PIXNET 留言(0) 人氣()

2010年5月6日
聚德軒 - 尖東半島中心
每人平均$160


歡迎maymay日遊回來,主人家提議依間有666套餐食既酒樓。
點知原來就近母親節,$666套餐無左,只有兩款貴d既敬母宴,我地揀左較貴果個。最抵食係龍蝦伊麵(有3隻鉗),其他都係一般,而d食送名都改得幾無厘頭。


royyahooblog 發表在 痞客邦 PIXNET 留言(0) 人氣()

2010年4月30日
賣豬仔 - 長沙灣順寧道
每人平均$200


藉世博開幕日重組帥哥飯局,小弟提議翻兜依間燒烤店,見上次(詳見這裡)黎時唔多人所以無訂檯,但估唔到依晚有幾張檯俾人訂左,坐落仲滿晒座添。
話說賣豬仔既前身係晌上環,上次黎時同店員傾計,佢話上環果邊較靜所以要搬,但搬左黎依度就俾樓上住客投訴,惟有要休店一陣子搞清件事先可以繼續做生意。
主角燒乳豬保持水準,燒魚亦唔錯,其他就無乜特別,店員見我拎相機影相,就送左碗豬骨粥,可能想我地幫佢宣傳下。
今晚借助唔少樽藍妹下,咱們帥哥仨把酒談心,不亦樂乎。

royyahooblog 發表在 痞客邦 PIXNET 留言(0) 人氣()

找更多相關文章與討論