close
2011年7月3日
晏晝餐米芝蓮三星法國菜一個月前已決定左，但依日既晚餐就遲遲未有心水，我地住銀河所以諗住近近地晌返氹仔食，出發前揀左兩間食翅既，分別係譚家魚翅同埋禮記雞鮑翅。
銀河酒店有免費巴士出官也街，去到見禮記雞鮑翅唔駛等位就行入去。埋單$537無加一整體都ok既，只係我覺得除左個蠔油鮑魚汁係夠味，其他食物既味道都偏淡。
禮記雞鮑翅
芝麻海蜇 $28
馳名凍蝦 $75
雞煲中勾翅 $288
原隻湯鮑 $98
禮記炒飯 $48
食飽飽晌官也街買手信，想買朋友推介既晃記肉切酥但沽清，最後買左少少野就搭酒店巴士返銀河。
官也街
買左莫義記甜品返酒店宵夜，我既木槺布丁好味道，萊嫂既芒果布丁就無乜特別，同埋話份量咁少賣十幾蚊唔多抵。
全站熱搜
留言列表
