萊BLOG萊

2007年12月1日
岩浪 - 銅鑼灣恆和鑽石大廈
每人平均$126

睇左"唷思歌妹blog"介紹依間新店，趁放假立即試試。
揀左自選天婦羅set (10件)及自選壽司set(8件+1卷物)，天婦羅略遜天YOSHI；壽司水準亦不及今村考勢，不個以依個價錢黎講絕對收貨。

2007年11月3日
鄉村韓國料理 - 灣仔謝斐道
每人平均$250

上回飯局既延續，揀左阿蘇介紹過及幾隱蔽既韓國料理店，七個人坐房氣氛夠晒好，不過我要趕返屋企睇波早走左。
味道都幾地道，有兩樣蔥料理自行棄權，之後返屋企經萊嫂提起，先發覺無點生菜蒜頭送燒肉，0徙左呢......

2007年10月27日
香港大學校友會 - 中環德己立街
每人平均$205

友好飯局在缺腳下如期舉行，其實幾個月前已有人提議依間香港大學校友會，果時大鄉理的我仲以為係校友先幫趁得添......
整體水準中上，環境亦幾好，少有地大家都好滿意。

2007年9月30日
鳳城酒家 - 太子彌敦道
每人平均$210

友好飯局今次揀左依間老牌酒家，主打係懷舊順德菜，我地坐左一世發張檯，點左個蔡SAN餐再散叫小菜，整體普普通通啦，因有期望所以有d失望咁囉。

雞燉翅

2007年9月15日
不倒翁 - 佐敦新寶廣場
每人平均$245

友好飯局，揀左早前阿蘇絲黃激爆推介既不倒翁，原先諗住食小菜，但是晚只供應火鍋。
點了份6人餐 (鴛鴦鍋、刺身、手切肥牛、象拔蚌、帶子、四寶丸、墨魚滑、豬肝、白鱔片、炸魚皮、貢丸、小籠餃、烏冬、壽包、西瓜及甜品 + 6罐酒水)，再加菜籃及招牌菜文昌雞飯。
火鍋料唔得既多，雞飯幾好；服務原先都唔錯，但之後個壽包等左好耐，要扣分，另外食具有d唔多乾淨。2百幾蚊食d咁既野，大家都唔係好滿意。

2007年9月8日
泉章居 - 銅鑼灣廣場
每人平均$100

依絲two版管會議，晌泉章居擺兩圍，夜晚時段分兩輪，我地食頭輪六點到八點。
多謝pace既安排同送出神秘禮品，好多都係第一次見面，請以後多多指教~
之前食過泉章居覺得幾好，不過今次就普普通通......

又食又拎 ^__^

2007年9月1日
雪村 - 九龍塘又一城
二人共$231

近近地去又一城食周末brunch，11點半去到唔駛等位。
雪村以串燒作主打，點知lunch無串燒set，惟有點兩個set再散叫串燒。

什錦壽司定食 $78+10%

2007年8月18日
新斗記 - 佐敦長樂街
每人平均約$170

每月一回的飯局，這次選了新斗記(也記不起是誰提議)，這店在晚市分兩時段，我們選擇六時入席的時段。
八餸一湯一麵，味道整體不俗，八時十五分交檯離開，轉戰附近的星巴克，試了很難吃的月餅，風花雪月到差不多十一時才散席~

即燒乳豬半隻$168 (好脆，唔膩，如果熱返d會更好)

2007年8月12日
阿甘蝦餐廳 - 山頂凌宵閣
四人共$863

依日續帶英國放暑假返港的姨甥及他的朋友出城玩，中午到黃埔食王家沙及買玩具，下午搭纜車上山頂一賞百萬夜景，可惜天公不造美，山頂被大霧籠罩下連百分之一的夜景也看不到。
第二次幫趁阿甘蝦，新鮮感欠奉，但初來的姨甥及他的朋友玩得幾過癮，食物亦非常0岩佢地口味。

2007年8月11日
天樂餐廳 - 銅鑼灣白沙道
二人共$249

巴撒隆拿訪港，晌銅鑼灣搵野食，友人提議食阿蘇炒河，一於試一試。

煙鯧魚沙拉 (鯧魚煙得幾好；沙拉普通)

蒜蓉焗田螺 (蒜蓉由配角變主角)

2007年8月4日
壽司廣 - 尖沙咀彩星大廈
二人共$352

中午出開尖沙咀，順道去幫趁過幾次lunch既壽司廣，醒起睇過wordy blog介紹吞拿魚壽司餐($200+10%)，並加多個唔記得名既午餐($120+10%)。
去到問有無吞拿魚壽司餐，因睇介紹每日限賣10份，侍應話有同唔係限10份，只不過係賣晒就無。以依個價錢食到咁多吞拿魚/拖羅相當抵，但一個人食晒既話會幾膩。

2007年7月28日
とん吉 - 尖沙咀彩星大廈
四人共$576 (八五折) 鳴謝maymay借出折扣咭~ 

依日帶英國放暑假返港的姨甥及他的朋友出城玩，中午去旺角睇變形金剛電影版及買玩具，夜晚到尖咀食丼吉，之後睇埋幻彩詠香江煙火加強版。

磨芝麻

2007年7月22日
和宴 - 尖沙咀彩星中心
兩人共$260

昨晚睇完料理鐵人，好想食意粉，中午出尖沙咀搵食，萊嫂話不如食和宴，好，就咁決定。
除左碗湯，樣樣都好滿意(以依個價錢)，平靚正！

2007年7月21日
agnés b. le pain grillé- 銅鑼灣禮頓道
Tea set $88

閒名已久人氣店agnes b餐廳，在好友號召下初嚐，Tea set包一杯茶(可refill)及一件餅。
頗有期望下餅點味道還可，不過服務只是普通矣。

2007年7月15日
備長 - 銅鑼灣恆和鑽石大廈
每人平均$115

上次因水浸試唔到，心心不息，依日與眾友好再訪此店。
lunch set有9款，當中有2款係串燒(Set C $78+10%, Set H $128+10%) ，備長以串燒作主打，所以我地各點了依兩Set。
整體味道ok，服務亦唔錯，我地更包左個場(成個午市得我地一檯客......)。

2007年7月13日
小肥羊 - 旺角店
2人共$350 (AEON小肥羊咭折扣後)

間唔中都會幫趁小肥羊，約一個多月前在尖沙咀店食過任食晚餐，價錢算平但唔多合口味。
依日重回旺角店，食得好滿足耶~

2007年7月7日
鹿鳴春 - 尖沙咀麼地道
每人平均$190

與友好飯局，已記不起係邊個(我？)提議這老店暨名店，好彩依日身體狀況已好返好多，可大擦一餐。
嘻嘻哈哈飽吃一頓，位位都又食又拎(山東大包或森永糖)，至於整體菜肴，覺得以前好味d。

前菜自家製牛蒡豆腐 (對牛蒡興趣不大又想留肚所以無食到)

2007年7月6日
壽司德 - 尖沙咀金馬倫道
2人共$283

今日牛一請左假，上午出開尖咀，原先諗住去和宴食燒肉，不過感冒喉嚨痛，想食d比較清既野，記起近排有blog介紹過壽司德，於是一試。
壽司水準ok，但今日味覺較遲鈍，只覺得樣樣都好淡。

2007年7月1日
一門 - 銅鑼灣黃金廣場
每人平均$86

回歸日朝早去左香港公園影相，並已預約好出銅鑼灣備長食lunch，點知備長打電話黎話水浸，繼上次和宴水浸後又來一單，有無咁邪呀！
最後去左一門lunch，d食野都ok喎，冷氣又夠凍~

2007年6月29日
湖舟 - 銅鑼灣渣甸中心
每人平均$233

近期看了兩篇有關湖舟海膽蟹黃丼的blog，趁依日在上環收工，約了萊嫂及在港島區工作的好友一同試試。
6點幾去到店員話full booking，失望之際佢話可以照食但要於7點半前走人，惟有來一餐速食在湖舟。