萊BLOG萊

依次去澳門玩兩日，除左食(詳見PART 1 & 2)，就係為左住威尼斯人酒店。
其實最初唔知依間野有幾巴閉，只知有間新酒店幾靚咁，同埋做特價，於是諗下邊日閒日(平d)去好，有諗過聖誕節，不過已plan左冬日之旅，最後決定不如就萊嫂牛一果日，並且好豪地book左最貴既維雅套房($1,888 + 15% Tax)，原價要3千幾蚊晚。
之後慢慢先知原來間野係大有來頭，設施點犀利賭場點龐大設備點豪華法，吸引大量市民參觀或入住，更睇到報導話前一日(9月1日) check in要排4粒鐘！

我地下午3點幾到，第一個感覺係好多人，然後搵下邊度check in，嘩！條龍長到丫，即時作出一個好英明既決定就係去左賭場同商場行下先。賭場勁勁勁大，商場就只開放左部份，周圍都勁多人。賣點運河+撐船仔當然霸佔左我地好多mb相。睇見有船佚好enjoy咁唱歌仔都幾得意，不過值唔值俾$120/位就見仁見智喇，友人就話d船伕都唔靚仔既。

未夠5點返番去大堂睇睇，見條人龍無之前咁誇張，就排隊check in，最後等左大半粒鐘。由reception行去房間樓層搭升降機都要行幾分鐘，間房果然有千幾呎，"嘩"嘩"聲此起彼落。當打開睡房內的電視櫃門時，竟然成度門跌左出黎，好彩無責親，仲有個櫃桶無左......
間房大就夠大，裝飾亦幾豪華，但就有種大而無當感覺。例如張床睇落好大好舒服，但訓落都麻麻地0者；浴室花灑水力好弱，熱水要開成分鐘先熱；有部好似好先進既咖啡機，但無一個杯係0岩放落個位度。
其實間房咁大都幾唔方便，想拎樣野都要行好多步，虛榮依家野一次夠lu ^__^