萊BLOG萊

食飽法國餐後，乘接駁巴士返碼頭，轉乘威尼斯人專車，第二次到訪諶稱全亞洲最大的威尼利人渡假村。(上次遊記)
依次黎威記只有一個目的，就係逛逛今年開張的THE MANCHESTER UNITED EXPERIENCE (曼聯專門店)。
無想像中咁多野買，雖然已唔算少，但想買條呔都無，曼聯作客波衫又無合適尺碼。原想買主場球衣(嬰兒尺碼)給萊b，不過萊嫂說等他大d識行識走先買，最後買了件長袖上衣(MOP119)，而我只買左件POLO恤(MOP229)同C7鎖匙扣仔(MOP29)。另外而家要俾MOP150先有得同彷三冠獎盃影相，仲要係星期五六日先有，而上層既博物館9月先開，講真對於今次專門店之旅都幾失望。
之後晌賭場玩左陣擺低d錢後就鬆人。

離開威記搭的士去乙水仔買手信順便HEA時間，碰正落雨於是晌大利來坐低食tea，想食豬扒包但賣晒，又唔想食豬扒多士(之前食過覺得麻麻)，所以只點左份咖哩魚蛋拚魷魚同一支可樂。
碟咖哩黎到發覺一條魷魚鬚都無，唔通依間野唔興用魷魚鬚？至於味道就普普通通啦，而支可樂就唔夠凍囉。稍後見隔離檯要左一碟剩魚蛋及一碟剩魷魚，原來係有魷魚鬚架！同埋分開叫個份量多過雙拚外，價錢仲平1蚊...(雙拚MOP35，單款MOP17)，有無搞X錯！！野又唔係好食，d哥哥仔服務又差，加上有咁既待遇，都應該無下次lu......