錦丼鮪專門店 @ 萊BLOG萊

2010年2月4日
錦丼鮪專門店 - 尖沙嘴iSQUARE
兩人共$282

去睇阿凡達前搵定有乜食，同層見到有三間日本野，分別係燒肉、丼同埋shabu放題，間燒肉價位唔平，而對shabu放題興趣唔大，所以就鎖定依間丼店。
睇完戲入座，見menu上既丼都幾多選擇，仲有d小食、刺身同壽司等，最後揀左海膽吞拿魚蓉丼(唔記得個原名)，萊嫂就要鰻魚丼。等左十分鐘鰻魚丼先黎，之後等多十分鐘輪到我個碗到，萊嫂話佢個鰻魚丼無乜特別，如果有d紫菜會好d，我試左兩啖覺得ok丫，至於個海膽吞拿魚蓉丼我就收貨，雖然d海膽唔係乜靚野，但d飯幾似樣係差左少少米香同埋都幾大碗飯，至於跟丼既麵豉湯同蒸蛋就無特別。
服務過得去，裝修好有日本feel，翻兜指數非常高。