萊BLOG萊

2007年7月20日
滇家菜 - 沙田連城廣場
四人共$368

唔齊腳既飯聚，由沙田躉提議去依間佢以前常幫襯既食堂，我對雲南菜所知唔多，只識過橋米線同田七氣鍋雞。
每人幾十蚊有雞有魚，味道除左碟菜其餘都OK，我自己就最鍾意個米線，服務亦殷勤，星展信用咭有九折~

2007年7月12日
鼎泰豐 - 尖沙嘴新港中心
兩人共$235

舊店黃埔店幫襯過好幾次，有次想去食發現執左，果時都幾失望香港再食唔到鼎泰豐，不過原來之後晌尖沙嘴新港中心開新店，但都等到而家先有機會一試依間超人氣店同順便試下部新DC。
下午晌旺角朗豪睇完「赤壁上集」，然後到油麻地永安買左少少BB野，跟住搭的士過新港中心，心諗未夠六點應該唔駛點排呱，點知去到見到成棚人，唔理咁多拎張籌先，見只係等廿幾個籌應該唔會太耐，最後都等左半粒鐘。
新店同舊店分別係新店大d，二人檯多d，侍應們好有禮貌，但價錢就貴左。小籠包保持水準，粽同荔芋包OK，排骨湯麵既排骨就胡椒粉重手左。

2008年7月5日
MR. STEAK cafe - 旺角朗豪坊
兩人共$800

提早慶祝生日，萊嫂請我去鋸和牛，近近地揀依間同諗住用85折咭。
飯前去睇街頭超人(HANCOCK)，都幾好睇，略嫌套戲短左d。
去到餐廳發覺想食既和牛餐無得用折扣咭，一心想食和牛無計啦，揀左一份澳洲和牛拚蟹腳餐$238(沙拉+龍蝦湯+澳洲和牛拚蟹腳意粉+甜品+飲品)、一份宮崎和牛扒$388(唔記得A4定A5)、周打海鮮湯$20，紅酒$55及Tiramisu $39。
整體不過不失，志在頂下d和牛癮，實在好懷念晌日本食和牛既日子......

2008年6月17日
滬江飯店 - 尖沙咀彌敦道
每人平均$190

自b朗出世後，都無暇再寫本地食野blog，但見連續落左好多日雨搞到好鬼悶，就決定帶部DC影低相寫下blog沖喜下~
禽流感關係，無得食醉雞同醉乳鴒，令大家都幾失望。
整體味道都ok，價錢可以接受，服務都唔錯。

2008年2月29日
峰壽司 - 旺角彌敦道
兩人共$251

有老友晌咁特別既日子做左老豆，收工約左萊嫂去揀禮物賀賀佢。
晚餐於常幫襯既峰壽司，雖然有友人話峰壽司比最初水準下降左，不過我仍然認為佢係我晌香港最like既迴轉壽司店。

2008年2月28日
盛八日式燒肉店 - 旺角山東街
兩人共$152

萊嫂放假約我食lunch，揀左食過幾次既盛八。
我地點左3份lunch set，分別係汁燒牛助骨拚鹽燒雞腿肉，汁燒牛助骨拚黑七味豬腩肉及鹿兒島黑豚拚梅味手羽先($49 x 3)，再加一罐可樂($5)，大滿足是也~

2008年2月24日
球記海鮮酒家 - 流浮山
每人平均$320

新春開年飯第二回，中午於元朗食意式午餐，下午在劉宅竹戰七圈，晚上係戲玉流浮山海鮮！
有別於平時自揀海鮮，今次係事前定左個筆直，再講低大致想食d乜，然後由酒家發辦，即係未到碟餸上檯，都唔知道會有d乜，充滿驚喜~
好開心能與在網上已認識一段時間的小Y，及劉氏父女見面，小弟亦晌席間宣佈左會履行埋下一次既羽毛球活動，然後有限期退出日遊界及飯局界......

2008年2月23日
利苑 - 尖沙咀圓方
兩人共$250

尋晚睇左"意頻道"晌利苑鋸鮑魚，搞到我口水流，但要顧住個荷包，都係飲餐茶算數。
十一點半一開門入去已經話Fully Booked，只好留個名等候補，好彩最終都有位~
蝦餃燒賣鳳爪無特別，其餘既都幾好味。
(依次d相係用萊嫂部K810i影)

2008年2月17日
割烹宇津木 - 銅鑼灣謝斐道
兩人共$193

今期搵食男女專題介紹丼，當中有部份已食過，見到依間宇津木既豬排丼同鰻魚丼都幾吸引，價錢又ok，決定特地出銅鑼灣試試。
丼(どんぶり)者，有餸既碗飯也，對我黎講同壽司一樣，靈魂一定係d飯，可惜宇津木所用既只係普通珍珠米，我寧願俾貴少少都想食到真正既日本米。
主角唔掂，配角掂既話都可以彌補多少，但今日所食到既鰻魚，我會用差黎形容，與文章既好評實在係兩回事，至於滑蛋黑豚排都ok既。
仲有樣奇事，係店內唔見有正式既侍應，要由一位戴住廚師帽既哥哥負責。

2008年2月16日
寧波旅港同鄉會餐廳 - 中環德己立街
每人平均$240

與友好開年飯，繼之前港大校友會，今次試同一大廈的寧波旅港同鄉會。
上黎前無點參考開飯.com食評，部份菜式係由侍應推介。
個人意見除左炸臭豆腐好得，炸鳳尾魚，豆苗同蔥油餅幾好外，其他都普普通通；不過同檯友人就覺得都幾好味。
服務方面幾ok，不過尾段換錯壺荼就要扣分。

2008年2月4日(年廿八)
團年飯 - 忠誠一品盆菜$950

2008年2月3日
南翔饅頭店 - 銅鑼灣廣場
兩人共$187

訓醒覺見天色幾好兼有太陽，決定去行維園年宵，之後到梳哥買野食今晚Shabushabu。
午餐於唔駛等位既南翔饅頭店，主角小籠包我覺得鼎泰豐好味D，蟹粉炒年糕唔錯，其他既普普通通。
見維園開放左個草地好多外傭聚集，而個年宵就勁多人，好多水仙花同桃花都未開，行左陣見太逼就走人了。

2008年1月31日
扒王之王 - 旺角朗豪坊
兩人共$315

睇完長江7號搵野食，想鋸扒於是幫趁扒王之王，點左$118及$168晚餐各一。

2008年1月28日
天機棧 - 旺角砵蘭街
三人共$380

一行三人去試依間近排旺角人氣餐廳，揀左一份二人餐及一份一人餐。

2008年1月21日
MR. STEAK - 銅鑼灣恆隆中心
每人平均$280

與朋友提早團年，今次由我發辦，早兩日睇報紙見依個"和牛海鮮自助餐"都幾吸引，平日五人更有一人免費。
主角澳洲和牛OK，鵝肝一般，蟹腳(松葉？)超正，刺身麻麻，壽司可以，其他熱葷冷盤正正常常，甜品就幾合心水，同檯友人都大致滿意。

2008年1月19日
旬菜富 - 尖沙咀棉登徑
四人共$605

又係睇左"唷思歌妹blog"介紹，今朝打完波飛的去試。
餐廳座位唔算多，亦只得兩、三檯客，我一心想食蠔釜飯，但要等30分鐘，曾想放棄因已幾肚餓，不過原來有碗烏冬頂下肚，所以都係決定等~
整體食物水準可以，最欣賞係侍應姐姐既待客服務，劉華黎到肯定讚不絕口~

2007年12月22日
冬至在家中
三人共約$1,000

星期一提早做節出左街打邊爐，點知早兩日十年唔逢一潤公司發花紅，決定晌冬至正日梅開二度，豪一豪佢！
繼晏晝食壽司後，來多個日式SHABU SHABU，止止日遊癮~

2007年12月22日
千里之月 - 銅鑼灣渣甸中心
兩人共$363

依間千里之月早幾個月已見介紹，不過價位偏高所以無好大欲望去試。幾日前公司咁多年來第一次出花紅，一於就趁放假去馬啦。
自選壽司set有三種價錢(10件$180 / 12件$220 / 16件$260)+10%，我揀左12件既；
萊嫂點左天婦羅set配蕎麥麵($110+10%)，除左麵仲有鰻魚飯、牛肉烏冬，滑蛋豬排飯同唔記得係咪雞揀。

2007年12月20日
港麗酒店 - 金鐘太古廣場

公司年度聖誕自助晚餐，因今年遲左book以至選擇唔多，最後拍板未試過既港麗酒店。
食物款式唔算多，好在大部份味道幾好，甜品亦頗合心水。(以下相片部份借用隔離位~)

2007年12月15日
明洞EXPRESS - 尖沙咀天文台道
兩人共$105

起身想食韓國野，去到尖咀發覺南山谷執左，就去試下依間快餐形式既韓國料理。
應該係老闆既係韓國阿朱媽，亦有唔少韓國食客，感覺幾地道。揀左兩個餐加杯凍柚子蜜，不錯吃耶。